تطوير جميع مهارات اللغه الانجليزيه

كتب المبدع r00t في منتديات مبتعث هذا الموضوع

نقلته مع الاحالة للمصدر للفائدة

السلام عليكم ورحمه الله وبركاته ..

كلناً عارفين ياجماعه الخير أن المعهد ما يعطيك الا فقط 30% والباقي عليك أنت والي يشتغل على نفسه بالمعهد وينسى نفسه برى
صدقني راح يطول ما اخذ اللغه .. طبعاً هالموضوع هذا مخصص لـ الناس الي يبي يطور عمره برى المعهد وصدقوني راح تدعون لي
هالطريقه هذي مشيت عليها .. الحمدلله وخلال شهرين الحمدلله سويت أختبار بالمعهد وتحسن مستواي
كان مستواي أول ماجيت المعهد بهالشكل
listening ; 230
reading ; 150
grammar ; 233

بعد شهرين

listening ; 495
reading ; 298
grammar ; 489

السالفه ومافيها … خلك من العالم الي يقول لك شغل راديو وأستمع بتحسن مستوى الأستماع ماعليش كـ مبتدأ ماراح يتحسن ولا راح يستفيد الا 2%
لاكن رأح ادلكم على طريق أن شاء الله بتدعون لي خلال شهر واحد رأح تحس أن مستواك تحسن بكثير

نبداً اول شي بأول مهاره الا وهي تحسين مستوى النطق عندك والقراءه السريعه

# الموقع فكره يعرض لك أخر الاخبار تقنيه ، سياسي ، كل شي وتشوف الخبر وفيه زر تشغيل يقراء لك الخبر
التكنيك الأفضل أنك تشغل ملف الصوت وتخليه يقراء 5 كلمات ، ثم توقف وتقراهن أنت على هالطريقه
يوم بعد يوم ، ووتزيد على نفسك تخليه يقراء 10 كلمات ، تحس وقتها تحسن مستوى النطق عندك والقراءه السريعه وبالاكسنت الامريكي مهم جداً
فوائد هالموقع
1- تحسين مستوى النطق
2- تحسين مستوى القراءه بطلاقه
3- أستفاده كم هائل من الكلمات
Learn American English with VOA Learning English – Level One

نجي ل الموقع الثاني وهو برضو لـ قسم القراءه ولاكن هالمره فكره الموقع
أنه يجيب لك خطاب ، او قصه ، وتقراها ثم بعدها يحط لك اساله وش فهمت من القصه وتجاوب
هذا بيحسن مستوى فهمك لـ الشي الي تقرأه
Online Reading Activities | Read Theory
طبعا هالموقع يلزمك تسجل فيه وهو مجاني وصراحه يستاهل انك تسجل فيه افادني كثير

نجي ل الموقع الثالث
English news and easy articles for students of English
وأعتقد الكل عارفه .. هذا ينزل لك كل يوم أخبار جديده وتقراها بتستفيد أشياء كثيره صارحه
افادني كلمات ، وأستماع الخ
################################################## ##################3
نجي الآن لـ مرحله
listening

Randall’s ESL Cyber Listening Lab – For English as a Second Language
موقع غني عن التعريف .. هذا فيه 3 مستويات
تسمع ثم بعدها تجاوب .. وش فهمت من المحادثه الي دارت بين شخصين أو شخص يتحدث عن شي
هذا راح تستفيد منه كالتالي
1- فهمك ل المتحدث
2- تستفيد كلمات
3- تستفيد منه مهاره نطق الكلمات والمحادثات
—————-
Basic Listening English Lessons with Quiz, Questions, and Answers

هذا نفس فكره الموقع .. الأول وراح يزيد من مهارتك بالاستماع

################################################## ##########################

نجي مهاره الـ speaking

فيه ناس كثيرين ابلشو يشوف مثلا كل المعهد سعوديين ، ولا حصل احد مثلا يمارس معه اللغه
أقول لك ياحبيبي هنا الحل مو شرط تمارس مع شخص تقدر تمارس السبيكنق مع نفسك ..
طبعا فيه طريقه حصلتها باليوتوب صراحه جميله وأعجبتني وطبقتها .. والحمدلله مشت معي

صراحه طريقه جباره .. جداً طبعا هي تعتمد مثلا تفتح اليوتوب على محادثات وتسمع وتطبق نفس مايقوله الفيديو الي فوق
وانا صراحه استخدم هالموقع هذا

EnglishCentral Videos

يعرض لي مقاطع وامارس السبيكنق معهاً على نفس تكنيك صاحب الفيديو البريطاني الي فوق

################################################## ######################

نجي مهاره الرايتنق

صراحه كنت مستصعب هالمهاره هذي انا ولأكن حصلت طريقه أعجبتني مره وماشي عليها الحمدلله
طبعا ف أول الموضوع طرحت أكثر من موقع لـ القراءه ، الاخبار ، الرياضه ،السياسه ، الخ
كانت الفكره أني بعد ما أخلص من القراءه وأترجم الكلمات الي مافهمتها
أني ارجع اخلص الموضوع بـ ملف نصي أكتبه أنا تلخيص ل الخبر ثم بعد ذالك
أروح لـ هالموقع هذا

https://www.grammarly.com/
طبعا فكره هالموقع يصحح لك القرامر + السبلنق .. صراحه افادني كثير وحسيت مستوى الكتابه عندي تحسن بشكل كبير وصرت أكتب
على صفحه وصفحتني وثلاث الحمدلله

كلمه أخيره ، صدقوني ي أخوان أمشو على هالطريقه هذي وشهر واحد راح تدعو لي صحيح أن فيها شويه ضغط على نفسك بس ماراح تاخذ من يومك الا ساعتين على هالطريقه
وبتحس مستواك تحسن .. وتذكر شي واحد المستفيد الأول والاخير هو أنت ، تضغط على نفسك أنت الكسبان بتهمل نفسك أنت الخسران

ولا أريد الا دعوه صادقه والله يوفقنا وياكم …

فمان الله

المصدر: http://www.mbt3th.us/vb/forum52/thread464630.html#ixzz3bgypsyGI
حفاظاً على حقوق الكاتب نرجو عدم حذف المصدر مبتعث
Under Creative Commons License: Attribution Non-Commercial No Derivatives
Follow us: @mbt3th on Twitter | mbt3th on Facebook