دليلك لاختبار IELTS

مقدمة في الايلتس والاستعداد له وكيف يكون الوضع داخل صالة الإمتحان

هذه المقدمة جمعتها من عدة مواضيع في الانترنت قد تساعدك على فهم مايحدث داخل صالة الإمتحان

وقبل البداية هذه مقدمة كتاب  وهو كتاب يساعدك على تطوير نفسك باللغة العربية مؤلفه يقول انه اتبع خطوات استطاع فيه تطوير لغته وحصل على درجة عالية

 

ماذا يحدث في صالة الاختبار

 

1- )- الكتابه Writing :

هذا القسم مدته 60 دقيقه وهو عباره عن قسمين :

القسم الأول : راح تنعطى إحصائيه محطوطه في جدول أو رسم بياني بطرق مختلف قد يكون Bar Chart أو Pie Chart

المطلوب منك تلخص المعلومات بحيث تختار المعلومات المهمه وتقارن بين الأشياء المتشابهه أو المتعارضه .

أو قد تعطى رسم فيه عمليه معينه وإنت تشرح كيف تصير العمليه أو صوره فيها مثلا كاميرا وتكتب تركيبها .

النوع الأول الإحصائيات هو الشائع بس هذا مايمنع إنهم يجيبون شرح لعمليه أو تركيب شي معين .

المطلوب إنك تكتب بحد أقصى 150 كلمه .

القسم الثاني : راح تنعطى عباره معينه والمطلوب منك إنك تعطي رأيك فيها أحيانا السؤال يجي بصيغه توافق أو لا مع الأسباب .

أو أيش نقدر نسوي عشان يصير هالشي الفلاني وهكذا .

المطلوب هنا إنك تكتب 250 كلمه .

نصائح لهذا القسم :

ينصح أنك تخصص عشرين دقيقه للقسم الأول و40 للقسم الثاني لأن القسم الثاني أطول ويحمل علامات أكثر .

أهم شي بالنسبه للقسمين التخطيط يعني إقرأ المطلوب خذ لك خمس دقائق عشان تخطط أيش راح تكتب وكيف راح يكون تقسيم الكتابه وإكتب نوتات أو مخطط عشان يساعدك وإنت تكتب .

أهم شي أيضا أنك تقسم كتابتك إلى قطع حبذا لو تكون كل قطعه تحمل فكره واحده فقط .

أفضل تقسيم كاتالي :

القطعه الأولى : تكون تعرف للموضع وتمهيد له بالنسبه للقسم الأول تقدر مثلا تكتب أكثر شي واضح أو الفكره العامه اللي تنأخذ من الرسم البياني .

وبعدين مايسمى ب Main Body للكتابه يقسم إلى قطع كل قطعه تحمل فكره معينه .

القطعه الأخيره : الخاتمه جملتين ثلاث تلخص الفكره وتقدر تكرر شي قلته من قبل

راح تلاقون في المرفقات مثال على القسم الأول Task 1 وإجابتي عليه وتعليق الإستاذ بس إن شاء الله يكون الخط واضح وينقرى .

مثال للتخطيط للقسم الثاني Task 2 :

السؤال :

Today children spend more and more time sitting in front of a TV or computer screen or in the back of a car and less time taking physical exercise.

What can be done to ensure that children lead a healthier lifestyle ?

التقسيم :

القطعه الأولى : تعريف بالموضوع هنا تقدر تستخدم رأس السؤال وتصيغه بطريقه أخرى وتحاول قدر الإمكان تغير من الكلمات المستخدمه في السؤال وما تنسخه مثل مهو مثلا بعض الأحيان ماراح تلاقي كلمات ثانيه تعبر عن نفس المعني هنا خذ الكلمه اللي متورط فيها من السؤال

It is true that nowadays kids spend more time watching TV or playing computer games and less time engaging in physical activities . I think we can do a lot to change this situation .

Main Body :

قسمته إلى ثلاث قطع كالتالي :

قطعه 1 :
What can parent do : encourage children to exercise.

قطعه 2 :
What can teacher do : evening club.

قطعه 3 :
What can government do : free sport facilities .

بكذا أنا خططت كيف راح أجاوب على السؤال طبعا لازم في كل فكره تقدمها تدعمها ولو بمثال واحد عشان تكمل الصوره هالمثال قد يكون من حياتك أو إذا مره مره ألف .

مهم جدا سواء في القسم الأول أو الثاني أنك تحاول تجنب التكرار وتستخدم مصطلحات مختلفه عشان تعبر عن نفس الفكره مثلا تقدر تقول في مره Kids ومره Children أو كذا

وكمان نوع في قواعد اللغه المستخدمه مره أكتب مثلا :

The price increase

ومره There was an increase وكذا .

نصائح لهذا القسم :

في القسم الأول إنتبه للفعل اللي تستخدمه إذا مثلا إنعطيت إحصائيه من مثلا 2002 إلى 2003 راح تستخدم الفعل الماضي وكذا .

إنتبه للإملاء والقواعد وعلامات الترقيم لأن تحاسب عليها .

عبر عن أفكارك بوضوح عشان اللي يصحح يقدر يفهم على طول بدون مايحتاج إنه يقرأ عشر مرات حتى توصل الفكره .

حاول تكتب على الأقل أقل شي مطلوب وهو 150 كلمه في القسم الأول و 250 في الثاني ومافي مانع إذا زاد عن هالحد بس حاول إن يكون ضمن المعقول لأن مثلا لما تكتب 1000 كلمه راح يكون عندك أغلاط أكثر والمصحح راح يصاب بالملل وهو يصحح لأن قاعد يقرأ كميه هائله .

في القسم الثاني إذا كان مطلوب منك أنك تعطي رأيك حاول تبينه من القطعه الأولى وبوضوح وعلى قوله إستاذنا إستخدم الكلمه السحريه I .

مش مهم أنك تكتب أربع خمس أفكار إذا ماكانت كامله ومدعمه بمثال على الأقل أنا مثلا آخر مره إمتحنت كتبت فكرتين بس وعطيت أمثله وصلت المعلومه والحمدلله كانت نتيجتي عاليه في الكتابه .

إذا خلصت كتابه وفي وقت راجع على الإجابه قد تكون نسيت علامه ترقيم أو شي ثاني .
2)- القرائه Reading :

مجموع الأسئله في هذا القسم 40 سؤال موزعين على ثلاث قطع قرائه مده القسم 60 دقيقه بمعدل 20 دقيقه لكل قسم .

القطع بتكون أشايء مأخوذه من مجله أو جريده أو كتاب عن مواضيع عامه نوعا ما ولو أنا أشوف بعضها متخصص نوعا ما

أمثله : كيف تطورت اللغه العلميه الإنجليزيه أو مثلا عن كيف يصنع البلاستيك أو التعليم في الصغر أو مثلا عن نوع معين من الطيور وين يعيش وكيف يتصرف إلخ .

أنواع الأسئله في هذا القسم :

نفس القسم اللي قبله قد تكون إكمال جدول أو خيارات أو إكمال نوتات عن عمليه معينه

أيضا في أسئله صح أو خطأ أو غير مذكور True , False , Not Given

نوع من السؤال أن القطعه الوحده مقسمه عده أقسام وعليها حروف وراح تنعطى لسته بعناوين والمطلوب إنك توصل بين كل قطعه والعنوان المناسب ليها .

أو مثلا يعطونك عبارات وأسماء أشخاص وإنت توصل مين قال كذا أو سوى كذا وأحيانا راح يقولون لك في البدايه أن تقدر تستخدم إسم أي شخص أكثر من مره إذا مش مكتوب هالشي في البدايه معناه كل إسم يستخدم مره واحده فقط .

نصائح خاصه بهذا القسم :

مهم جدا إنك تطور مهارتين حق هالقسم أولا مهاره Skimming

وهي عباره أنك تحرك عيونك بسرعه بين السطور عشان تاخذ فكره معينه عن القطعه

المهاره الثانيه هي Scanning وهي أنك تقرأ بتركيز نوعا ما عشان تبحث عن معلومه معين

تقدر تطور هالمهارتين من خلال فرائاتك اليوميه للجريده أو كتاب معين .

يختلف الأشخاص في الإستراتيجيه المستخدمه في هالقسم بعضهم يقرأ القطعه كامله بسرعه عشان يكون في عقله خريطه لترتيب القطعه و بعدين يقرأ سؤال سؤال ويرد يدور عن المعلومه اللي يحتاجها في القطعه وهذي طريقه أنا أستخدمها كثير وهي فعاله جدا .

بعضهم يقوم يقرأ الأسئله كلها بعدين يقرأ القطعه وبعضهم يدمج بين الطريقتين أنه يقرأ مجموعه أسئله ويقرأ القطعه وهكذا .

من خلال تحضيرك للإمتحان تقدر تقرر أي طريقه أفضل لك في الأخير هذا قرار شخصي راجع لك أنت .

بعض الأحيان يكون كم سؤال محطوطين قبل القطعه هنا زي مايقول إستاذنا هم متعمدين عشان تقرأ هلأسئله قبل وبعدين تقرأ القطعه عاده هالأسئله هي لسته العناوين .

إذا كان فيه خيارات نصيحه إستاذنا إذا كنت بتقرأ هالسؤال قبل إقرأ بس رأس السؤال ولا تقرأ الخيارات إلا بعد ماتقرأ القطعه .

في أسئله صح خطأ غير معطى قد تكون صياغتها بطريقه نعم لا غير معطى Yes , No , Not Given

عشان كذا ركز في رأس السؤال عشان ماتكتب Yes بدال True أو العكس .

في هذا السؤال يقولوا لك إن تختار صح أو نعم إذا العباره توافق المعلومات المذكوره في القطعه لا أو خطأ إذا تعاكسها و غير معطى إذا المعلومه غير مذكوره في القطعه أصلا .

نصيحه تنفع إذا في أسماء أو تواريخ حاول تحط تحتها خط عشان يسهل لك الرجوع إليها إذا أحتجتها .

نصيحه آخيره حاول تقرأ القطعه أول مره بسرعه لا تضيع الوقت كله في قرائه القطعه خذ لك 5 أو 6 أو 10 دقائق للقرائه الأولى بعدين راح ترجع تقرأ بشكل طبيعي وإنت تدور عن الإجابات .

3)- الإستماع Listening :
مده هذا القسم تقريبا 30 دقيقه وهو مكون من أربعه أقسام كالتالي : كل قسم عشر فقرات

القسم الأول والثاني متعلقين بالحياه الإجتماعيه

القسم الأول : عباره عن محادثه بين شخصين تتعلق بالحياه الإجتماعيه مثلا شخص يتصل بالبنك عشان يسأل عن فتح حساب إلخ.

أو شخص يتصل يسأل عن السكن في مكان معين وغيرها

القسم الثاني : عباره عن شخص واحد يقوم بسرد معلومات مثلا عن منتج معين أو البرنامج الترفيهي لمكان ما إلخ .

القسم الثالث والرابع يتعلقوا بالحياه الأكاديميه

القسم الثالث : محادثه بين المحاضر وطالبين أو طلاب قد يكون عن نتيجه بحث معين أو كيف ينعمل بحث إلخ من الأشياء الأكاديميه .

القسم الرابع : عباره عن محاضره يلقيها إستاذ جامعي عن أي موضع أكاديمي قد يكون الإنحباس الحراري شي يتعلق بالنبات إلخ .

أنواع الإسئله لهذا القسم :

تتنوع الأسئله في قسم الإستماع قد تكون إكمال إلى جدول أو نوتات فيه معلومات معين وإنت تكمل الناقص من خلال إستماعك أو إختيارات وتقوم بإختيار الإجابه الصحيحه من بين 3 خيارات أو قد يكون خريطه أو رسمه وإنت تكتب الأشياء الناقصه أو توصل بين المعلومات .

نصائح عامه متعلقه بهذا القسم :

أهم شي في بدايه هذا القسم المراقبين راح يحطون الشريط يجربونه إذا ماكنت تسمع كويس تكلم مو تسكت وراح يشوفون صرفه يايرفعون الصوت أو يغيرون مكانك .

ركز في اللي تستمعه ولا تسرح لأن ممكن تفوت معلومات مطلوبه .

شي مهم جدا راح تنعطى وقت دقيقه دقيقتين قبل كل قسم عشان تقرأ الإسئله إستغلها وحاول تخمن نوع الإجابه المطلوبه مثلا رقم أو إسم شارع إلخ .

راح تنعطى نص دقيقه في نهايه كل قسم عشان تتأكد من إجاباتك أيضا إستغلها .

شي مهم جدا كل قسم راح تستمع له مره واحده فقط عشان كذه ركز .

تأكد دائما الإسئله راح تسمع إجاباتها بالترتيب وهذا شي مره كويس عشان لا يتشتت الإنتباه

المعنى إنك راح تلاقي إجابه السؤال الأول في المحادثه قبل إجابه السؤال الثاني وهكذا وهذا الشي مأكد من خلال خبرتي ومن خلال كلام الأساتذه .

في الإختيارات ركز لأن في العاده أحيانا هم راح يحاولوا يلخبطوك المعنى راح تسمع جميع اللأشياء المذكوره في الخيارات بس فيه إجابه واحد فقط صح الثانين راح ينذكروا أما بطريقه تخالف المكتوب أو مع تغيير بسيط عشان كذه ركز .

طبعا في هذا القسم راح تكتب الإجابات على كتاب الأسئله وراح تنعطى في نهايه القسم 10 دقائق عشان تنقل الأجوبه إلى ورقه الإجابه .

حاجه مهمه لما تنقل الإجابه أحينا يجيك سؤال إختار إثنين من مجموعه أشياء في الحاله بيكونوا سؤالين مدموجين مع بعض مثلا راح يجيك فوق تقرأ سؤال 5 و6 إختار إثنين من الأتي
4- المحادثه Speaking :
مده هذا القسم تقريبا 15 دقيقه أو أقل وهو عباره عن مثل المقابله يسألك فيها الشخص اللي يمتحنك عده أسئله وهو عباره عن ثلاثه أقسام :

– القسم الأول : ياخذ تقريبا 5 إلى 6 دقائق الأسئله في هذا القسم تكون أسئله عامه
عن الدراسه الجامعيه أو البلد أو المدينه اللي أنت منها أو عن التسوق أو عن عائلتك إلخ

أمثله :

What is your favorite color?
Why do you like this color?
Tell me a little about your home town ?
Do you like shopping ?
– القسم الثاني : هذا القسم ياخذ تقريبا 3 إلى 4 دقائق فيها يعطى الطالب كرت مكتوب فيه موضوع معين وأسئله تساعد الطالب أنه يفكر بالموضوع ويعطى دقيقه حتى يفكر في الموضوع ويكتب بعض النوتات في الموضوع بعدين يقوم الطالب بالتحدث لمده دقيقتين عن الموضوع وبعد ماتنتهي الدقيقتين أو لما يخلص الطالب الكلام قبل الدقيقتين وماعنده أي زياده يقوم الشخص اللي يمتحنك ويسألك سؤال إثنين متعلقين بنفس الموضع .

مثال :

Describe a well-known person you like or admire
You Should Say :
Who is this person
What this person has done
<Why this person is well known
<And explain why you admire this person
القسم الثالث : مدته من 4 إلى 5 دقائق هذا القسم عباره عن مناقشه من طرف واحد لأن طبعا أنت راح تنسأل أسئله بس ماتقدر أنت تسأل خخ

الأسئله في هذا القسم تتعلق بالموضوع اللي في القسم الثاني

أمثله :

What kind of people become famous these days ?
How do you think people will become famous in the future ?
What are the good things about being famous ? are there any disadvantages?
بعض النصائح المتعلقه بهذا القسم :

أهم نصيحه Be yourself جاوب باللي تعرفه ولا تحاول أنك تعطي إنطباع بأنك واو وعندك معلومات واسعه لأنك إذا ماكنت كذه في الحقيقه راح يكون عندك أغلاط كثيره

الإمتحان ما يمتحن معلوماتك بس يمتحن قدرتك على التواصل بلإنجلش .

في القسم الأول الإجابات القصيره مقبوله نوعا ما بس حاول تتوسع قليلا بدون ماتسرد قصه حياتك كلها حتى مايصاب الشخص اللي يمتحنك بالملل .

القسم الثالث المتوقع منك تعطي إجابات مفصله نوعا ما وماتكتفي بقول نعم أو لا وتسكت .

في القسم الثاني أهم نصيحه أنك تستغل الدقيقه اللي تتنعطى قبل عشان تحضر وتفكر في الموضوع أكتب بعض رؤوس الأقلام وأهم شي أنك تجاوب على جميع الأسئله المحطوطه من خلال حديثك ومافي مانع أنك تزيد أشياء من عندك بس أهم شي ماتطلع عن الموضوع اللي في الكرت وتبدأ تتكلم عن شي أبدا ماله علاقه بالموضوع .

سوي eye contact مع الشخص اللي يمتحنك لأن هذي وسيله تواصل مهمه من الأغلاط الشائعه أن الطالب خلال حديثه يتكلم مع نفسه مثلا يكون منزل راسه أو يطالع في المسجل المستخدم لتسجيل المحادثه .

حاول تعطي إنطباع أنك مستمتع بالمحادثه لأن هذا يعطي إنطباع كويس عند الشخص اللي يمتحنك .